Lapsi Video

Aplikacioni

Android iOS
Flash

PSG stërvitet me një ekran gjigant në fushë: shpikja e fundit e Luis Enrique

Lapsi.al 5 December 2025
PSG stërvitet me një ekran gjigant në fushë: shpikja e
Efekti i “barkut plot” pas tripletës nuk ekziston për PSG-në e teknikut Luis Enrique, që vazhdon të rinovohet për të gjetur zgjidhje të reja dhe metoda stërvitjeje gjithnjë e më moderne. Në qendrën sportive të klubit është shfaqur një ekran i madh në mes të fushës, me të shkruar emrat e lojtarëve nga mesfusha e poshtë: titullarë dhe rezerva, të vendosur të gjithë në pozicionet e tyre për të studiuar strategjinë më të mirë mbrojtëse në prag të ndeshjeve të ardhshme. Pamjet u bënë menjëherë virale në internet për kërkesën e veçantë të trajnerit, i cili është mbështetur te një ekran gjigant për t’i bërë udhëzimet të mbërrijnë më mirë te lojtarët e tij. Natyrisht, nuk raportohet formacioni që do të përdorë — përndryshe do të ishte avantazh i madh për kundërshtarët — por dikush është hedhur në analiza më a pak të besueshme për të kuptuar arsyet e shpikjes së fundit të spanjollit.

PSG stërvitet përpara një ekrani gjigant

Nuk është hera e parë që trajneri lancohet në mënyra inovative për të stërvitur lojtarët e tij. Dhjetë ditë para finales së Champions League kundër Interit ishte ngjitur në një vinç për të parë stërvitjen nga lart, ndaj ekrani gjigant i shfaqur në fushë nuk ka shkaktuar shumë bujë. Kurioziteti lind megjithatë rreth qëllimit të kësaj metode të re: ishin të shkruar emrat e mesfushorëve dhe mbrojtësve, disa me të kuqe, për të transmetuar në kohë reale taktikat dhe për t’i çuar informacionet qartë te ata që po stërviteshin. Nuk ka asnjë lloj shpjegimi, por sipas disa tifozëve Luis Enrique mund t’i ketë kërkuar këshillit të administrimit këtë teknologji të re për të stërvitur në mënyrën më të mirë fazën mbrojtëse. Në veçanti, lojtarët me të kuqe duhet të përsosin daljen nga presioni me topin në këmbë, pa e shpërdoruar atë; me të zezë është shkruar se kujt do t’i takojë të bëjë presing për t’i vënë në vështirësi shokët e skuadrës — një ushtrim që shpesh shihet, por që te PSG-ja është çuar drejt kufijve të përsosmërisë, në stilin e plotë të spanjollit.

Të këshilluara

ide

Si po e çon Rama vendin drejt përplasjes civile

Insistimi në dhunë, në armatosje të civilëve, në pagesa të policëve si të ishin mercenarë, vetëm paqe nuk pjell. Frika e Edi Ramës se ku do të përfundojë kur të mos jetë kryeministër nuk ka pse të bëhet makthi i Shqipërisë

15:20 Armand Shkullaku

Pse guri dhe molotovi u bënë të pashmangshëm

Kjo revoltë rinore ka pasur një meritë të madhe. Ajo i bëri të njohur publikut të gjërë anën më kriminale të këtij regjimi që ishte deri më tani e konservuar në skutat më të fshehta. Nëse revolucioni ekstremisht paqësor i flamingove na tregoi se kjo qeverisje nuk ishte më popullore, epilogu i tij radikal, me gurë dhe molotov po shërben për të nxjerrë në dritë të diellit se autokrati është në gjendje të përdorë çdo mjet për të qëndruar në pushte

11:37 Andi Bushati

MOTI TIRANA

12°c

KËMBIMI EURO

90.77

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI