Toney arrestohet, goditi me kokë një tifoz: merret me pranga nga një bar në Soho

Një ngjarje shumë e shëmtuar ka përfshirë Ivan Toney, i arrestuar në një bar në qendër të Londrës se i kishte dhënë një goditje me kokë një tifozi që i kishte kërkuar një foto. Ish-sulmuesi i Brentford, sot te Al-Ahli, është marrë me pranga nga policët në një lokal modern në Soho, në zemër të natës, pas sherrit që shpërtheu me burrin që u godit dhe mbeti i lënduar në fytyrë. Pamjet e kanë filmuar sulmuesin i cili shoqërohet nga agjentët pas fundit të konfliktit: tani lojtari akuzohet për sherr dhe agresion, është liruar me kusht, por hetimet mbi përplasjen vazhdojnë për të sqaruar faktet.

Toney shkakton një sherr në Londër

Pas përfundimit të pezullimit për bastet e paligjshme në futboll, sulmuesi anglez ka ndërtuar një karrierë të re në Arabinë Saudite, por kthimi në Londër për një pushim të vogël mund t’i kushtojë shumë shtrenjtë. Sipas asaj që raporton “The Sun”, që ka publikuar edhe pamjet e arrestimit, Toney ndodhej në një bar të Sohos rreth orës një të natës, kur një tifoz iu afrua dhe e kapi për t’i kërkuar një selfie, siç ka deklaruar një dëshmitar aty pranë. 29-vjeçari është ndier i sulmuar sepse burri i kishte vënë duart në qafë dhe do të ketë reaguar: prej aty do të ketë lindur sherri që përfundoi me goditjen e supozuar me kokë.

EXCLUSIVE: Ivan Toney ‘launched headbutt in brawl' before video shows him being led away in cuffs 🚨 pic.twitter.com/hF0UJsh474

— The Sun Football ⚽ (@TheSunFootball) December 8, 2025

Dëshmitari, që mbetet anonim, pohon se djali e pësoi keq dhe filloi të humbte gjak nga hunda pas kontaktit me Toney. Në atë moment ndërhyri policia: “Ai dha emrin e tij dhe ata i thanë: ‘Je i arrestuar për agresion’, pastaj ia vendosën duart pas shpine, e prangosën dhe u larguan”. Sulmuesi u mor me pranga dhe pak më vonë u lirua me kusht, por për të do të ketë një proces me akuzat për agresion dhe sherr.