Dhëndëri i Sali Berishës, Jamarbër Malltezi ka shkuar me pankarta në duar në në formë proteste në Gjykatën e Posaçme ditën e sotme. Teksa do të mbahej seanca e radhës për çështjen shqyrtimin e dosjes “Partizani”, Malltezi ka marrë dy pankarta të ndryshme me dy godina dhe i ka mbajtur para me duar për ti filmuar nga mediat.
Në një pankartë, Malltezi tregon se çfarë është ndërtuar në ish-kompleksin Partizani për qytetarët në një tokë private. Ndërsa në pankartën tjetër tregon se çfarë është ndërtuar te ish-parku i Autobuzave në tokë shtetërore.
Gjykata e Posaçme shtyu për më 22 dhjetor, ora 11:00, shqyrtimin e dosjes “Partizani”. Seanca dështoi për shkak të mosplotësimit të trupit gjykues, për shkak se gjyqtarja Rudina Palloj mungonte për arsye shëndetësore.
