Ish-kryebashkiaku i Kavajës, Elvis Roshi, është paraqitur sot në SPAK bashkë me avokatin e tij, pas kallëzimit të bërë nga Kontrolli i Lartë i Shtetit (KLSH) për parregullsi në tenderat e bashkisë. Rroshi, së bashku me 10 zyrtarë të tjerë, dyshohet se ka shkaktuar një dëm ekonomik prej 33 milionë lekësh përmes tenderave të rikonstruksionit të qendrës së qytetit dhe ndërtimit të disa rrugëve.
Shkeljet u identifikuan pas një auditimi të kryer nga KLSH për periudhën janar 2013 – dhjetor 2014, ku u evidentuan 12 tendera problematikë, përfshirë projektet për rikonstruksionin e qendrës, rrugëve lidhëse dhe mbjelljen e pemëve dekorative.
