Momente frike të madhe për lojtarët, stafin teknik dhe drejtuesit e Real Oviedo, të cilët u sulmuan nga tifozët e vet pak pas humbjes së rëndë dhe poshtëruese 4-0 në fushën e Sevillas, në ndeshjen e 17-të të La Ligës spanjolle. Skuadra ndodhet në krizë të thellë, në fund të renditjes dhe në zonë rënieje. Të acaruar nga një tjetër paraqitje zhgënjyese, pjesa më e zjarrtë e tifozërisë i priti lojtarët dhe drejtuesit jashtë stadiumit të shtëpisë, në momentin që ata po shkonin drejt parkingut për t’u kthyer në shtëpi.
Sulmi i tifozëve ndaj drejtuesve dhe lojtarëve: ndërhyn Policia
Tensione dhe kaos maksimal janë regjistruar jashtë stadiumit Carlos Tartiere, ku mbi 100 tifozë u mblodhën pranë hyrjes së parkingut privat për të shprehur zemërimin ndaj paraqitjeve katastrofike të skuadrës. Një pritë e vërtetë, pikërisht në momentin e kthimit nga humbja 4-0 në Sevilje. Situata kërkoi ndërhyrjen e Policisë Kombëtare, për të shmangur përshkallëzimin, me tifozët që ishin shumë pranë linçimit, mes fyerjeve dhe goditjeve ndaj makinave të lojtarëve dhe stafit.
Protestat nisën që në Sevilje: më pas pritë në kthimin në qytet
Personi më i goditur nga zemërimi i tifozëve ishte pa dyshim Luis Carrión, i shkarkuar vetëm disa orë më parë, i cili u kthye në objektivin kryesor të protestave. Edhe drejtori i përgjithshëm Agustín Lleida dhe presidenti Martín Peláez u sulmuan me fyerje të rënda. Një situatë që doli shpejt jashtë kontrollit, edhe pse sinjalet për një shpërthim të tillë ishin të qarta: disa orë më parë, në stadiumin Ramón Sánchez-Pizjuán, dhjetëra tifozë të Oviedos kishin fishkëllyer skuadrën, duke premtuar hakmarrje. Hakmarrje që u konsumua në kthimin e ekipit në qytet.
