Sofia Vergara duket se ka gjetur dashurinë përsëri. Pas një periudhe single dhe disa thashethemeve për lidhje të ndryshme, aktorja e “Modern Family” dhe “Griselda” duket se ka konfirmuar një marrëdhënie të re.
Pas divorcit nga Joe Manganiello dhe ndarjes nga kirurgu Justin Saliman në fillim të vitit 2025, Sofia ka qëndruar kryesisht larg mediave, por një postim i fundit në rrjetet sociale është interpretuar nga ndjekësit si konfirmim i lidhjes së saj.
Në imazhet e shpërndara, Sofia shfaqet e lumtur duke kaluar momente të ngrohta me Douglas Chabbott, një biznesmen amerikan 39-vjeçar i njohur në industrinë e modës dhe të argëtimit.
Çifti është parë së bashku në evente të shtrenjta, gala bamirësie dhe pushime luksoze në Mesdhe, duke përfshirë edhe festivale si ai i Kanës dhe udhëtime romantike në Romë.
Ndjekësit e Vergarës kanë reaguar me entuziazëm, duke komentuar: “Mosha është thjesht një numër kur je Sofia Vergara” dhe “Duken të mrekullueshëm së bashku.”
