Kenan Yildiz është kthyer në pikë referimi të Juventusit, me teknikun Luciano Spalletti që i ka besuar fantazistit turk çelësat e lojës bardhezi. Ai është truri i manovrës, shtysa kryesore nga mbrojtja në sulm dhe lojtari i klasit të pastër. Yildiz ka shpërthyer plotësisht, sidomos pas pauzës së fundit të kombëtareve, duke gjetur formë dhe gola.
Ai u hodh për herë të parë nga Allegri, me golin ndaj Frosinones dhe ndeshjen si titullar kundër Udineses. Sot është një nga të paktët të mbetur nga ajo Next Gen e artë.
Lexo më tej: Super Yildiz, Juventus përmbys Cagliarin por humb Vlahovic: “Trajner, u vrava shumë”
Megjithatë, Yildiz është në qendër të zërave të merkatos. Fanella me numrin 10 të Del Pieros nuk është e sigurt për shumë vite, ndërsa interesimi anglez është real. Juventus duhet të veprojë, duke nisur nga paga.
Kontrata e tij skadon më 30 qershor 2029, por klubi dëshiron ta blindojë më herët. Aktualisht, fantazisti turk fiton 1,5 milionë euro në sezon, një nga pagat më të ulëta në skuadër.
Më pak se ai paguhen vetëm:Pinsoglio: 300 mijë euro
Cabal: 1,2 milionë euro
Yildiz, së bashku me Perin, është në fund të listës së pagave, pavarësisht rolit qendror në skuadër.
