Venezuela ka konfirmuar se forcat speciale amerikane Delta kanë kapur presidentin e këtij vendi dhe bashkëshorten e tij.
Zëvendëspresidentja e Venezuelës, Delcy Rodríguez, tha se qeveria nuk e di vendndodhjen e Presidentit Maduro ose Zonjës së Parë, Cilia Flores.
Ajo shtoi se qeveria kërkoi "prova të menjëhershme të jetës" për të dy.
Kurse ministri i Mbrojtjes i Venezuelës ka njoftuar një mobilizim të menjëhershëm të forcave ushtarake në të gjithë vendin.
Duke folur në spanjisht në një video-adresim, Vladimir Padrino López bëri thirrje për një front të bashkuar rezistence përballë "agresionit më të keq" ndonjëherë kundër Venezuelës, duke shtuar se Venezuela po ndiqte "urdhrat e Maduros" që të gjitha forcat e armatosura të mobilizoheshin.
"Ata na kanë sulmuar, por nuk do të na nënshtrojnë", tha ministri i Mbrojtjes.
