Qytetarë të shumtë janë mbledhur këtë të shtunë para godinës së kryeministrisë, në protestën e thirrur nga kryetari i lëvizjes “Shqipëria Bëhet”, Adriatik Lapaj. Pamjet tregojnë disa dhjetëra protestues, të cilët kanë mbushur sheshin përballë selisë së qeverisë, duke shprehur hapur pakënaqësinë e tyre ndaj qeverisjes.
Në fjalën e tij para protestuesve, Lapaj akuzoi qeverinë Rama për korrupsion sistemik, duke e lidhur revoltën qytetare drejtpërdrejt me skandalin Balluku dhe duke kërkuar drejtësi për çështjet që, sipas tij, kanë tronditur besimin publik. Protesta u shoqërua me thirrje të vazhdueshme kundër kryeministrit dhe kabinetit qeveritar.
Në pankartat e mbajtura nga qytetarët lexohej “Edi Rama jep dorëheqjen” dhe “Edi Rama o hajdut”, ndërsa sloganet dhe brohoritjet denonconin, sipas protestuesve, vjedhjet dhe abuzimet që u janë bërë qytetarëve nga qeveria.
