Autoriteti Portual Durrës ka njoftuar për ndryshime në lundrimet e trageteve nga Durrësi drejt Barit dhe anasjelltas, si pasojë e kushteve të pafavorshme atmosferike gjatë mbrëmjes së 4 janarit 2026.
Sipas njoftimit zyrtar, një nga dy tragetet e planifikuara për nisje drejt Barit nuk arriti të lundrojë për shkak të motit të keq. Udhëtarët e prekur nga kjo situatë janë asistuar nga kompanitë përkatëse të lundrimit, të cilat kanë marrë masa për ridrejtimin e tyre me nisjet pasuese.
Autoriteti Portual Durrës thekson se po vijon monitorimin e vazhdueshëm të situatës meteorologjike dhe të lëvizjes së mjeteve detare, në bashkëpunim me kompanitë lundruese dhe autoritetet përgjegjëse, me qëllim garantimin e sigurisë dhe mbarëvajtjes së operacioneve portuale.
