Gabigol konfrontohet nga ultrasit në prezantimin te Santos:“Këtu askush nuk të donte”

Goditja e merkatos së Santos në Brazil ka qenë marrja në huazim e Gabriel Barbosa-s, i njohur më mirë si Gabigol, ish-lojtari i Interit që në fanellën zikaltër zhgënjeu plotësisht. Sulmuesi 29-vjeçar vjen në formë huazimi deri në fund të vitit 2026 nga Cruzeiro, në një operacion që nuk parashikon opsion blerjeje. Paga e tij e lartë, një nga më të lartat e skuadrës, do të paguhet nga të dy klubet. Ajo që tronditi të pranishmit në konferencën e prezantimit ishte prania e tre përfaqësuesve të tifozërisë së organizuar të Santosit, të cilët e pritën lojtarin në mënyrën e tyre. Ndërsa njëri i dorëzonte një kapele të grupit, një tjetër e përballi duke i lënë një mesazh të qartë: “Duam që ta nderosh fanellën, vëlla – dëgjohet në një video që u bë menjëherë virale –. Ne po vëmë fytyrën për ty, e kupton? Ka shumë njerëz që nuk të duan, shumë njerëz që nuk të donin këtu, por ne të kemi dhënë besim dhe do të të mbështesim. Por… mos harro golat”.

“Gabigol”: Porque el 9 brasileño firmó con el Santos y en plena firma cayó la barra brava y lo amenazó de muerte, “estás en deuda hace goles porque no salis”, los valores tradicionales pic.twitter.com/XOZxBmnOQc

— Es tendencia en 𝕏 (@EsTendenciaEnX) January 5, 2026

Një paralajmërim shumë i qartë ndaj lojtarit

Ata i kërkuan Gabigol të luajë me grintë, të “djersijë fanellën” dhe të mos zhgënjejë pritshmëritë. Nuk i kërkojnë vetëm të luajë mirë, por të mishërojë shpirtin e skuadrës. Ultrasi po thotë qartë se lojtari nuk është i mirëpritur nga shumica e tifozërisë së organizuar, por se grupi i tyre ka vendosur ta mbrojë. Një lloj paralajmërimi për sjelljen që duhet të mbajë në këtë eksperiencë të re te Santos, për të shmangur probleme në të ardhmen. Lojtari u përgjigj vetëm: “Jemi të gjithë në të njëjtin nivel”, sikur të donte të theksonte se është si të tjerët. E gjithë kjo ndodhi pikërisht në momentin kur zakonisht bëhen fotot zyrtare mes buzëqeshjesh, përqafimesh dhe shtrëngimesh duarsh. Një sinjal i fortë se ky rikthim i Gabigol-it te Santos mund të jetë i ndërlikuar, por njëkohësisht stimulues për t’u rilançuar dhe ndoshta për të fituar një thirrje në Botëror, me shpresën që Ancelotti ta vërejë. Pas sezoneve shumë të mira te Flamengo, Gabigol shënoi 17 gola te Cruzeiro. Jo pak, por as shumë, duke pasur parasysh pritshmëritë. Mungesa e vazhdimësisë ka qenë pika e tij e dobët dhe te Santos shpreson që gjithçka të rregullohet edhe me miratimin e tifozëve të tij.