Ditën që e pandehura Belinda Balluku doli në terren për përmbytjet, e Ngarkuara me Punë e SHBA-së në Tiranë, Nancy VanHorn ka zhvilluar ditën e sotme një takim me kreun e SPAK, Klodjan Brahon dhe kreun e BKH-së, Joni Keta. Me siguri jo rastësisht, por për të dhënë mesazhin se goditja ndaj saj përmes dosjeve që janë hapur, duhet finalizuar.
VanHorn ka përgëzuar Brahon dhe Ketën për rolet e tyre drejtuese, ndërsa ka theksuar mbështetjen e SHBA-ve ndaj SPAK për luftën kundër krimit të organizuar dhe trafikut të narkotikëve.
Postimi i plotë:
E Ngarkuara me Punë Nancy VanHorn përgëzoi Kryeprokurorin e Posaçëm të SPAK Klodjan Braho, dhe Kreun e BKH Joni Keta për rolet e tyre të reja drejtuese, duke ritheksuar mbështetjen e Shteteve të Bashkuara për përpjekjet e SPAK në luftën kundër krimit të organizuar dhe trafikut të narkotikëve. Siç ka deklaruar Sekretari Rubio: “Ne do të përballemi me kartelet e drogës kudo që ndodhen dhe kudo që veprojnë kundër interesave të Shteteve të Bashkuara. Detyrimi kryesor i presidentit është të sigurojë interesin kombëtar dhe sigurinë kombëtare të popullit tonë.” Së bashku, ne qëndrojmë të bashkuar në luftën kundër krimit ndërkombëtar.
