Një tjetër rrahje ka ndodhur në burgun e Reçit në Malësinë e Madhe. Të burgosurit Astmer Bilali dhe Mikel Thani janë përfshirë në një konflikt fizik mes njëri-tjetrit duke përfunduar në spitalin e burgut në Tiranë.
Të dy të burgosurit kanë pësuar dëmtime të rënda. Mediat raportojnë se Bilali dhe Thani kanë qenë duke ngrënë drekë së bashku me disa persona të tjerë dhe në ato momente ka lindur një konflikt mes tyre që përfundoi me sherr fizik.
Bilali dhe Thani pasi kanë nisur të godasin njëri-tjetrin. Sipas të njëjtave burime, Thani është ndihmuar edhe nga disa persona të tjerë, shokë të tij në burg. Pas rrahjes, kanë ndërhyrë rojet e burgut duke bërë ndarjen mes të dëmtuarve.
Mikel Thani u arrestua në 2015 pasi ishte i dyshuar për plagosjen e prindërve të ish-të fejuarës dhe mbesës së tyre ndërsa ish-boksieri Astmer Bilali është arrestuar në kuadër të dosjes “Metamorfoza”.
[caption id="" align="alignnone" width="674"]
Astmer Bilali[/caption]
Pak kohë më parë në burgun e Reçit pati një tjetër sherr mes Safet Bajrit dhe Sokol Sanxhaktarit. Ky i fundit u godit duke u dëmtua fizikisht. /LAPSI.al
