65 persona kanë humbur jetën dhe 2311 të tjerë janë arrestuar në protestat kundër regjimit në Iran. Protestat kanë nisur si revoltë kundër krizës ekonomike dhe janë shtrirë në 100 qytete. Ato janë shndërruar në një sfidë të hapur ndaj regjimit të Ali Khamenei. Ndërkohë presidenti Trump ka thënë se SHBA do ju shkojë në ndihmë protestuesve.
Ai ka përsëritur së fundmi se vendi i tij do të ishte i gatshëm të ofronte mbështetje për ata që demonstrojnë në Iran.
"SHBA-të janë të gatshme të ndihmojnë!!!", vijoi ai më tej.Është ende e paqartë se për çfarë lloj mbështetjeje po flet Trump, pra nëse do të ketë ndërhyrje ushtarake apo jo. Duke folur dje në Shtëpinë e Bardhë, ai tha se do ta godiste Teheranin "shumë fort" nëse qeveria "fillon të vrasë njerëz".
