Policia e Vlorës ka zbuluar një shtëpi bari në qytetin bregdetar të Sarandës.
Pas një operacioni njëmujor, të zhvilluar nga Drejtoria e Policisë Vlorë, nën drejtimin e Prokurorisë Vlorë, është finalizuar zbulimi i një ambienti të përshtatur për kultivimin e bimëve narkotike në qytetin e Sarandës.
Ambienti ndodhej në rrugën “Butrinti”, në katin e gjashtë të një pallati në zonën e njohur si “Turizmi”, dhe ishte përshtatur brenda një apartamenti pallati, ku ishin instaluar llamba ndriçimi për kultivimin e bimëve narkotike si dhe aparatura te tjera.
Gjatë operacionit është kapur në flagrancë një shtetas nga Tirana, i cili kujdesej për kultivimin e bimëve narkotike. Janë sekuestruar 250 bimë narkotike në proces mbjellje dhe tharjeje.
Personat janë shoqëruar në DVP Vlorë. Apartamenti është pronë e një shtetasi nga Tepelena.
