Lapsi Video

Aplikacioni

Android iOS
Flash

E bujshme te Real Madrid, shkarkohet Xabi Alonso: ja kush do të jetë trajneri i ri

Lapsi.al 12 January 2026
E bujshme te Real Madrid, shkarkohet Xabi Alonso: ja kush do të jetë
Sensacion i madh në shtëpinë e Real Madrid. Blancos kanë komunikuar zyrtarisht shkarkimin e teknikut Xabi Alonso. Një rrufe në qiell të pastër në klubin e Merengues, i cili përmes një njoftimi ka bërë të ditur edhe emrin e trajnerit të ardhshëm: “Vendim i marrë me marrëveshje të përbashkët mes klubit dhe teknikut Xabi Alonso. Ai do të ketë gjithmonë dashurinë dhe admirimin e të gjithë tifozëve Blancos, sepse është një legjendë e Real Madrid dhe ka përfaqësuar gjithmonë vlerat e klubit tonë. Real Madrid do të jetë gjithmonë shtëpia e tij. Klubi ynë falënderon teknikun Xabi Alonso dhe të gjithë stafin e tij teknik për punën dhe përkushtimin e treguar gjatë kësaj periudhe dhe u uron atyre fatin më të mirë në këtë fazë të re të jetës së tyre”.

Ja kush do ta drejtojë Real Madrid

Njëkohësisht me njoftimin e shkarkimit, klubi i Florentino Perez zbulon emrin e trajnerit të ri: “Real Madrid njofton se Álvaro Arbeloa është trajneri i ri i ekipit të parë. Álvaro Arbeloa është trajner i Castilla që nga qershori 2025 dhe e ka kaluar të gjithë karrierën e tij si trajner në sektorin e të rinjve të Real Madrid që nga viti 2020”.

Pse u shkarkua Xabi Alonso

Ish-trajneri i Bayer Leverkusen paguan një pjesë të parë të sezonit plot ulje dhe ngritje. Në La Liga, në fakt, Blancos kanë një distancë prej 4 pikësh nga Barcelona kryesuese, por në ndeshjet e fundit kanë marrë 4 fitore në 5 ndeshje. Ecuri e vështirë edhe në Champions League, me 12 pikë të mbledhura në 6 ndeshje, rezultat i 4 fitoreve dhe 2 humbjeve. Pasi kishte qenë tashmë në balancë javët e fundit, si për rezultatet ashtu edhe për një menaxhim të ambientit jo gjithmonë të përsosur, Xabi Alonso dhe Real Madrid kanë vendosur të ndajnë rrugët. Për Blancos, megjithatë, është tashmë koha të shikojnë nga e ardhmja në pritje të emërimit të trajnerit të ri: të mërkurën, në fakt, është në program ndeshja e Kupës së Mbretit në fushën e Albacetes.

Të këshilluara

ide

Si po e çon Rama vendin drejt përplasjes civile

Insistimi në dhunë, në armatosje të civilëve, në pagesa të policëve si të ishin mercenarë, vetëm paqe nuk pjell. Frika e Edi Ramës se ku do të përfundojë kur të mos jetë kryeministër nuk ka pse të bëhet makthi i Shqipërisë

15:20 Armand Shkullaku

Pse guri dhe molotovi u bënë të pashmangshëm

Kjo revoltë rinore ka pasur një meritë të madhe. Ajo i bëri të njohur publikut të gjërë anën më kriminale të këtij regjimi që ishte deri më tani e konservuar në skutat më të fshehta. Nëse revolucioni ekstremisht paqësor i flamingove na tregoi se kjo qeverisje nuk ishte më popullore, epilogu i tij radikal, me gurë dhe molotov po shërben për të nxjerrë në dritë të diellit se autokrati është në gjendje të përdorë çdo mjet për të qëndruar në pushte

11:37 Andi Bushati

MOTI TIRANA

15°c

KËMBIMI EURO

91.10

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI