Donald Trump ka tërhequr vëmendjen në një postim nga Departamenti Amerikan i Bujqësisë si pjesë e rekomandimeve të reja për piramidën ushqimore. Në frymën e një fushate legjendare për konsumin e produkteve të qumështit, departamenti i ka vendosur Trumpit një "mustaqe" të bërë nga qumështi dhe mesazhin: “Mustaqet e qumështit” janë kthyer, pijeni të gjithë gotën".
Imazhi duket si një fotomontazh, megjithëse me Trumpin nuk mund të jesh kurrë i sigurt.
Javën e kaluar, administrata Trump zbuloi udhëzime të reja dietike që i inkurajojnë amerikanët të hanë më shumë proteina dhe produkte qumështi me yndyrë të plotë dhe më pak sheqer. Ata gjithashtu rekomandojnë shmangien e ushqimeve shumë të përpunuara për të arritur shëndet më të mirë.
Këto udhëzime janë pjesë e nismës “Make America Healthy Again” (MAHA), e cila mbështetet nga Sekretari i Shëndetësisë dhe Shërbimeve Njerëzore Robert Kennedy Jr. Kennedy, së bashku me zyrtarë të tjerë si Sekretarja e Bujqësisë Brooke Rollins, kanë zbatuar politikat e MAHA-s, të tilla si ulja e vaksinimeve të fëmijërisë dhe kufizimi i aksesit në ushqime të pashëndetshme për njerëzit që marrin kupona ushqimore.
Fushata "Got Milk?" që nga vitet 1990 i ka nxitur amerikanët të pinë qumësht dhe të konsumojnë produkte qumështi në përgjithësi. Shumë personazhe të famshëm janë fotografuar me "mustaqe" qumështi për të përçuar mesazhin. ©LAPSI.al
