Cyane Panine ishte "vajza me kaskë" e re që bota e njohu përmes videove dramatike të filmuara brenda barit "Le Constellation" në Crans-Montana. Pavarësisht paqartësive fillestare për fatin e saj, autoritetet dhe avokatët e pronarëve konfirmuan vdekjen e vajzës së re. Funerali i saj u zhvillua më 10 janar në qytetin francez të Sète.
Kush ishte Cyane Panine, "gruaja me helmetë" e Crans-Montana?
24-vjeçarja punonte si bariste sezonale në resortin e njohur zviceran të skive, ku konsiderohej "si një e familjes" nga pronarët e barit, familja Moretti. Në videot që i paraprinë katastrofës, Cyane shfaqet duke buzëqeshur teksa mban një kaskë motori, e mbajtur mbi supe nga një koleg mës turmës brohoritëse.
Në duar, ajo mbante shishe shampanje të zbukuruara me fishekzjarrë të ndezur, një shfaqje e projektuar për të mirëpritur Vitin e Ri. Ishte pikërisht ai moment spektakli që u bë shkak për tragjedinë. Shkëndijat nga fishekzjarrët prekën materialin bllokues të zhurmave në tavan, duke shkaktuar një zjarr që vrau shpejt 40 persona.
Imazhi i saj, i veshur me një kaskë, është futur në dosjen hetimore si provë vizuale e neglizhencës fatale, simboli i një feste që shkoi tmerrësisht keq për shkak të mosrespektimit të rregullave më themelore të sigurisë. ©LAPSI.al
