Dakota Johnson dhe reperi Role Model kanë shtuar spekulimet për një lidhje të mundshme, pasi u panë sërish bashkë në Los Angeles.
Aktorja e “Fifty Shades of Grey”, 36 vjeç, dhe muzikanti 28-vjeçar, emri i vërtetë i të cilit është Tucker Pillsbury, u fotografuan teksa hynin në restorantin e njohur Marvin, në Beverly Hills, të mërkurën në mbrëmje.
[embed]https://www.instagram.com/p/DTi4gsLgYtM/?igsh=ZjQyOHk5dTIzcmZo[/embed]
Zërat për një romancë nisën në dhjetor, kur ata u panë duke darkuar së bashku me miq.
Fotot e asaj mbrëmjeje i shfaqnin të afërt, duke u përkulur drejt njëri-tjetrit gjatë bisedës. Një burim për mediat tha se ata “u afruan shumë” gjatë gjithë mbrëmjes.
Kjo vjen pak kohë pasi Dakota Johnson i dha fund fejesës me Chris Martin. Aktorja dhe frontmeni i Coldplay ishin bashkë për rreth tetë vite, përpara se të ndaheshin në qershor 2025. Sipas burimeve, diferenca e moshës dhe dëshira e Johnson për të pasur fëmijë ndikuan në ndarje.
Chris Martin ka dy fëmijë nga martesa e tij me Gwyneth Paltrow dhe, së fundmi, është përfolur për një romancë të mundshme me aktoren Sophie Turner.
Ndërkohë, Role Model ka qenë më parë në një lidhje me influenceren Emma Chamberlain; ata u ndanë në vitin 2023 pas tre vitesh së bashku.
As Johnson dhe as Role Model nuk i kanë konfirmuar apo mohuar publikisht thashethemet për lidhjen e tyre.
