Një aksident tragjik ka ndodhur sot në Itali, ku si pasojë ka humbur jetën një i ri shqiptar. Viktima është identifikuar si Klaudio Gjoka, 20 vjeç, banues në vendin fqinj. Sipas mediave italiane, ngjarja ndodhi në autostradën e Rrugës Shtetërore 589, Saluzzo-Barge, në kilometrin e 53-të, pranë Abacisë Stafarda.
Shkaku i aksidentit, u bë një përplasje e dhunshme midis një kamioni dhe një veture “Audi”. Konkretisht, shqiptari po drejtonte makinën “Audi”. Pas aksidentit, rruga u mbyll për disa orë për shkak të kaosit që u shkaktua në rrugë.
