Edhe lideri i opozitës Sali Berisha u ngjit për të folur në podiumin e vendosur përpara Kryeministrisë në protestën e dytë kombëtare nga opozita. Lideri i PD-së i bëri thirrje protestuesve që ky është kilometri i fundit për të goditur qeverinë e Edi Ramës. Gjatë fjalës kreu i Partisë Demokratike hodhi akuza ndaj kryeministrit Edi Rama për bllokim të drejtësisë dhe korrupsion. Berisha deklaroi se 'Ramaduro' ka penguar funksionimin e drejtësisë për të mbrojtur veten dhe familjarët.
“Rama ka bllokuar drejtësinë për të siguruar veten dhe familjarët,” u shpreh ai, ndërsa shtoi se Rama po bën edhe avokatin e ministres Belinda Balluku.
“Rama ka bllokuar drejtësinë për të mbrojtur vetën dhe familjarët e tij pasi ka vjedhur miliarda. Kryehajduti i shqiptareve nuk ikën, por ai përmbyset nga zemërimi dhe revolta juaj. Një javë të tërë Rama krekosej me një ftesë formale që Trump u kishte bërë vendeve partnere për Bordin e Paqes, e patë si Rama e përdori atë ftesë për të shitur veten sikur ishte themeluesi. Po cfarë ndodhi? Ndodhi që në mbledhjen themeluese, Ramën nuk e pranonte sallën. Rama gjendje në parlament duke bërë avokatin e Lubisë, duke ulëritur dhe duke sharë si ordiner opozitën.
Koha ka ndryshuar, stina është e jona. Ne sot nuk jemi më një parti, nuk jemi as për një individ, nuk jemi këtu për asgjë tjetër, por jemi për ndërgjegjen tonë, për idealet tona”, tha Berisha.
