Një person ka mbetur i plagosur me thikë mbrëmjen e sotme në Vlorë. Ngjarja ka ndodhur në lagjen Pavarësia, në bulevardin Ismail Qemali. Plagosja ka ardhur pas agravimit të situatës gjatë konfliktimit për motive të dobëta të dy personave. Mësohet se i plagosuri është Ilir Suloti, ndërsa autori i dyshuar është Fjodor Edmond Zeqo.
I lënduari është dërguar drejt spitalit për marrjen e ndihmës së nevojshme mjekësore. Policia dhe grupi hetimor ndodhen në vendngjarje.
Njoftimi i policisë:
Në datë 24.01.2026, rreth orës 20:30, në lagjen Pavarësia, Vlorë, pas një konflikti për motive të dobëta, shtetasi Fjodor Edmond Zeqo, i datëlindjes 27.02.1978, lindur dhe banues në Vlorë, ka plagosur me armë të ftohtë (thikë) shtetasin Ilir Suloti, i datëlindjes 08.09.1981, lindur dhe banues në Vlorë.
I dëmtuari ndodhet në Spitalin Rajonal të Vlorës, ku po merr ndihmën e nevojshme mjekësore. Autori i kësaj ngjarjeje është kapur nga shërbimet e policisë dhe po kryhen veprimet proceduriale.
