Një ngjarje e rëndë ka tronditur qytetin e Gjirokastrës, ku një vajzë 12-vjeçare dyshohet se është abuzuar seksualisht nga bashkëjetuesi i nënës së saj, Kelmend Krusa.
Hetimet e policisë zbuluan se abuzimi ka zgjatur për rreth dy vite, ndërsa e mitura ka pranuar ngacmimet para oficerëve të hetimit. Kelmend Krusa dyshohet se me heret kishte vrare babain e vajzes qe abuzonte.
Ai u arrestua një javë më parë së bashku me vëllain e tij, Klodian Krusa, si të dyshuar për vrasjen e Artur Lleshit, ngjarje e ndodhur në vitin 2018. Trupi i pajetë i viktimës u gjet në vitin 2019, në një tunel në fshatin Zogjaj të Bulqizës.
Gjatë hetimeve për këtë krim, autoritetet zbuluan edhe abuzimin ndaj vajzës së mitur, e cila është bija e viktimës.
Pas marrjes në pyetje, vajza ka rrëfyer se është ngacmuar nga partneri i nënës ndersa kjo e fundit nuk ishte ne dijeni. Aktualisht, Kelmend Krusa ndodhet në qeli dhe akuzohet për abuzim seksual me të mitur, ndërsa grupi hetimor po vijon punën për të zbardhur rrethanat e ngjarjes. Ai po hetohet paralelisht edhe për vrasjen e Artur Lleshit.
