Një video e publikuar nga mediat greke ka fiksuar shpërthimin vdekjeprurës në fabrikën e biskotave në Trikala të Greqisë që u mori jetën 5 grave të turnit të natës dhe plagosi 5 të tjera. Zjarri u pasua me një temperaturë mbi 1 000 gradë, duke bërë që të shkrihej çeliku dhe një pjesë e ndërtesës të shembej.
Sipas të njëjtave informacione, trupat e grave u gjetën të gjitha në bodrum, shumë afër njëra-tjetrës. Video konfirmon raportet që ekzistonin që nga mëngjesi, sipas të cilave një shpërthim i parapriu zjarrit.
Autoritetet po kërkojnë shkaqet e shpërthimit që ndodhi pak para orës 4:00 të mëngjesit. Të gjithë të plagosurit tashmë janë liruar nga spitali. Autoritetet thanë se verën e kaluar kishin kryer inspektime në fabrikë ku ishin gjetur probleme në furrat e pjekjes. ©LAPSI.al
