Të shtënat vdekjeprurëse në Minneapolis janë nën kontrollin e administratës së Donald Trump, ku presidenti amerikan u shpreh se, gjithçka është nën shqyrtim. Në të njëjtën kohë, Trump la të hapur mundësinë e largimit në të ardhmen të agjentëve federalë të imigracionit nga zona e Minneapolis, por pa specifikuar një afat kohor se kur kjo mund të ndodhë.
"Në një moment ne do të largohemi. Ata kanë bërë, dhe kanë bërë, një punë fantastike", tha ai, duke shtuar se pas largimit të këtyre forcave, personel tjetër do të mbetet për të luftuar mashtrimet financiare. Episodi ka të bëjë me vdekjen e 37-vjeçarit Alex Pretty, i cili u vra nga agjentët federalë të imigracionit në Minneapolis, incidenti i dytë fatal i këtij lloji në një periudhë të shkurtër kohore.
Incidenti ka shkaktuar tension të gjerë shoqëror dhe politik në qytet dhe më gjerë, me zyrtarë dhe aktivistë lokalë që vënë në pikëpyetje sjelljen operative të forcave federale dhe bëjnë thirrje për transparencë dhe llogaridhënie.
