Lapsi Video

Aplikacioni

Android iOS
Flash

Oumar Barry nuk di më ku ndodhet, portieri godet me grusht topin: autogol absurd

Lapsi.al 28 January 2026
Oumar Barry nuk di më ku ndodhet, portieri godet me grusht topin: autogol
Galeria e autogolave të mundshëm nga një portier pasurohet me një tjetër rast në kufijtë e absurdit. Ajo që bëri Oumar Barry është thuajse e pabesueshme, po të mos ishte se videoja e “bëmës” së tij (vendimtare për humbjen në minutat shtesë të skuadrës nga Katari ku ai luan) është parë nga miliona persona në rrjetet sociale. 39-vjeçari i Al Shamal u fut në konfuzion total përballë një topi të gjatë, humbi orientimin hapësinor dhe më pas mendoi t’i jepte një grusht të fortë topit, por në drejtimin e gabuar: drejt portës së tij.

Autogoli i habitshëm i Oumar Barry në Qatar Stars Cup

Koha kishte mbaruar, ndeshja e Qatar Stars Cup mes Al Shamal dhe Al Shahaniya ishte e mbërthyer në 0-0. Miqtë kishin edhe një mundësi të fundit nga një goditje dënimi rreth 40 metra larg, më pranë mesfushës sesa portës. Yousef Raisi gjuajti direkt në portë, me një trajektore të dukshme dhe mjaft qendrore. Barry, që rreth pesëmbëdhjetë vite më parë ka qenë edhe portier i kombëtares së Katarit, ndërhyri në mënyrë të çuditshme, e preku dy herë topin duke e ngritur lart dhe më pas e goditi me grusht kur i kishte shpinën fushës. Topi preku fillimisht shtyllën e brendshme dhe më pas përfundoi në rrjetë, mes habisë së përgjithshme.

Lexo më tej: Gafa skandaloze e Araújo te penalltia kundërshtare: Benfica bën autogolin e sezonit

Gabimi ishte vendimtar: në kohën e mbetur Al Shamal nuk arriti të barazojë dhe ndeshja u mbyll 1-0 për Al Shahaniya. Qatar Stars Cup është një kompeticion kombëtar i futbollit në Katar, jo ai më prestigjiozi, por një lloj “cupe lige” që shërben për t’u dhënë më shumë ndeshje skuadrave gjatë sezonit. Megjithatë, të realizosh një autogol kaq absurd dhemb gjithmonë… sidomos nëse je portier.

Të këshilluara

ide

Kriza jonë e trefishtë tashmë ka emër

Edi Rama është sot mishërimi, edhe pse jo shkaku i vetëm, i krizës së përfaqësimit politik. Askush më shumë se ai nuk punuar për të ndërtuar një parti dhe një sistem politik në shërbim të kryetarit dhe jo të qytetarit

09:49 Blendi Kajsiu

Si po e çon Rama vendin drejt përplasjes civile

Insistimi në dhunë, në armatosje të civilëve, në pagesa të policëve si të ishin mercenarë, vetëm paqe nuk pjell. Frika e Edi Ramës se ku do të përfundojë kur të mos jetë kryeministër nuk ka pse të bëhet makthi i Shqipërisë

15:20 Armand Shkullaku

MOTI TIRANA

18°c

KËMBIMI EURO

90.74

aktuale

Ndiqe Lapsin edhe në

Me interes nga publiku

Kriza jonë e trefishtë tashmë ka emër

Edi Rama është sot mishërimi, edhe pse jo shkaku i vetëm, i krizës së përfaqësimit politik. Askush më shumë se ai nuk punuar për të ndërtuar një parti dhe një sistem politik në shërbim të kryetarit dhe jo të qytetarit

09:49 Blendi Kajsiu

Me sytë katër

SPORT

Të tjerë artikuj

PAPARAZZI