Deputeti Bëlind Këlliçi ka akuzuar sot kryeministrin Edi Rama se pas kërcënimeve publike ndaj SPAK ka kaluar në akte me natyrë mafioze. Sipas Këlliçit, vendimi për të shtuar masat e sigurisë për prokurorët e SPAK pas fushatës së sulmeve të ndërmarra nga Rama, tregon qartë se “organizata më e madhe kriminale në vend, ajo e rilindjes, po vepron tashmë me metodat e saj mafioze”.
Ai thekson se shqetësimet nisën kur prokurorët u morën me korrupsionin galopant dhe lidhjet e qeverisë me krimin. Sipas tij, më parë nuk pati asnjë problem sigurie kur ndjekeshin drejtuesit politikë të opozitës. Këlliçi thekson kërcënimet kanë kulmuar tani me dosjen e Ballukut dhe hetimet që përfshijnë edhe kryeministrin.
Këlliçi paralajmëron se shtimi i masave të sigurisë për prokurorët, veçanërisht për Dritan Prençin, është një sinjal alarmi për situatën e vendit dhe për rrezikun real që ata përballen. Ai thekson: “Çdo shqiptar e di sot se prokurorët e SPAK dhe ata të Ballukut, të aferave të tunelit dhe tenderave qindra milionë euroshe, janë të kërcënuar nga Edi Rama. Është një moment vendimtar për Shqipërinë. Ky bandit duhet ndalur. Dhe vetëm qytetarët e kanë në dorë zgjidhjen. Më 10 shkurt është dita për ta treguar këtë. Bashkimi ynë në shesh, qëndrresa jonë, është fundi i tij.”
