Pesë persona u arrestuan në Gjermani, pasi dyshohen për shkelje të sanksioneve ndaj Rusisë. Çështja ka të bëjë me eksportin e pajisjeve të prodhimit të armëve në Rusi, përmes kompanive dhe besohet se përfshin inteligjencën ruse.
Sipas Zyrës së Prokurorit Federal, e cila lëshoi urdhër-arrestet, pesë personat dyshohet se kanë fshehur dërgesat nga Lübeck në Schlesëig-Holstein në Rusi të pajisjeve mekanike dhe teknike për prodhimin e armëve. Mediat e huaja shkruajnë se dërgesat u bënë përmes një rrjeti kompanish dhe përmes vendeve brenda dhe jashtë Bashkimit Evropian.
Mbi 15 mijë shkelje
Në rreth 75 rastet e hetuara, disa nga përfituesit janë qartësisht prodhues armësh, ndërsa policia vlerëson se janë kryer rreth 16 mijë shkelje të rregulloreve.
Siç raporton Radio Televizioni Gjerman Jugperëndimor SëR, mes të arrestuarve është edhe Nikita S., mbajtës i shtetësisë ruse dhe gjermane, i cili besohet të jetë pas kompanisë në Lübeck. Ai u arrestua me hyrjen në Gjermani.
Policia, autoritetet doganore dhe Shërbimi Federal i Inteligjencës kryen kontrolle në pronat e tij, pronat e katër bashkëpunëtorëve të tij dhe vende të tjera në Meklenburg-Pomerani, Frankfurt, Schlesëig-Holstein dhe Nuremberg. Disa nga të dyshuarit janë shtetas gjermanë, disa kanë shtetësi gjermane dhe ruse, dhe një ka shtetësi gjermane dhe ukrainase.
