Kim Kardashian dhe piloti i Formula 1, Lewis Hamilton, u panë duke mbërritur në Estelle Manor, një hotel luksoz në Cotswolds, për një fundjavë romantike të shtunën, sipas fotove të siguruara nga Page Six.
Sipas një burimi për The Sun on Sunday, çifti kishte rezervuar një masazh për çift dhe shfrytëzoi të gjitha shërbimet e hotelit vetëm për vete. Në mbrëmje, ata darkuan në një dhomë private pa të tjerë të pranishëm. Ata dolën nga hoteli të dielën në orën 10 të mëngjesit.
Dyshja njihen që nga viti 2014, kur Kim ishte në marrëdhënie me Kanye West dhe Lewis me Nicole Scherzinger. Nuk dihet saktësisht kur miqësia e tyre u kthye në diçka romantike, por të dy së fundmi morën pjesë në festën e Vitit të Ri të Kate Hudson në Aspen, Kolorado.
Në një intervistë për podkastin e Khloé Kardashian muajin e kaluar, Kim tha se çfarë kërkon te një partner: “Vlera dhe morale të mira, një person i qetë, i besueshëm.” Numri një në listën e saj është dikush që “merr përgjegjësi”.
Pasi u nda nga Kanye West në 2021, Kim pati një romancë me Pete Davidson dhe pati një lidhje të shkurtër me Odell Beckham Jr., ndërsa Hamilton ka qenë i lidhur me emra të njohur si Shakira dhe Sofía Vergara.
