Presidenti ukrainas, Volodymyr Zelenskyy ka deklruar se sulmet e fundit të Rusisë përfshinin një numër rekord raketash balistike dhe ishin të drejtuara qëllimisht ndaj infrastrukturës energjetike të Ukrainës.
Zelenskyy pretendoi gjithashtu se Rusia shfrytëzoi një pauzë të ndërmjetësuar nga Trump në sulme, për të grumbulluar raketa në vend që të mbështeste diplomacinë.
“Ishte një sulm i qëllimshëm kundër infrastrukturës energjetike, që përfshinte një numër rekord raketash balistike. Në fakt, ushtria ruse shfrytëzoi propozimin e SHBA-së për të ndaluar përkohësisht sulmet jo për të mbështetur diplomacinë, por për të grumbulluar raketa dhe për të pritur deri në ditët më të ftohta të vitit, kur temperaturat në pjesë të mëdha të Ukrainës bien nën -20°C (-4°F)”, shkroi Zelenskyy në rrjetin social ‘X’.
Zelensky tha se midis më shumë se 70 raketave të lëshuara nga Rusia gjatë natës, 32 ishin balistike, gjithashtu janë përdorur edhe 450 dronë sulmues. Presidenti amerikan, Donald Trump njoftoi të enjten se Rusia kishte rënë dakord të mos e shënjestronte Kievin dhe qytete të ndryshme gjatë kushteve të motit të ftohtë, por nuk sqaroi se për sa kohë.
