Historia absurde e Anselmino: trajtohet si një pako nga Chelsea në fund të merkatos

Chelsea po humbet çdo sens në menaxhimin e merkatos. Klubi londinez njihet për shpenzimet e çmendura dhe për numrin e madh të futbollistëve të blerë me kalimin e viteve. Sikur të ishin marrë pa kriter, pa një projektim, por të gjithë të bashkuar nga një kosto shumë e lartë blerjeje. Por në fushë zbresin 11 dhe kështu problemet e Chelsea shtohen pikërisht në sesionet e merkatos verore dhe dimërore. Nevoja për të balancuar bilancin sjell edhe zhvlerësime lojtarësh ose zgjedhje jo fort të arsyeshme, si ajo që ndodhi në fund të merkatos së janarit me Aaron Anselmino.

📸 Aaron Anselmino bids farewell to the team.#BVB pic.twitter.com/dF9aBDyVAg

— BVB Newsblog (@bvbnewsblog) January 26, 2026

Lexo më tej: Arsenal, finalisti i Carabao Cup: Chelsea dorëzohet edhe në kthim, vendos Havertz

Mbrojtësi argjentinas i lindur në vitin 2005 ishte mes shumë lojtarëve në pronësi të Chelsea që në verë përfundoi në huazim te Borussia Dortmund. Këtu, pas një fillimi të vështirë, 20-vjeçari gjeti minuta dhe vend titullari në Gjermani dhe pikërisht në momentin më të mirë, Chelsea e rikthen duke mbyllur para kohe huazimin te gjermanët. Pamjet e lojtarit në lot për këtë largim të detyruar bënë xhiron e rrjetit. Por befasia ishte pas qoshes: sapo u kthye në Londër, Blues kuptuan se ndoshta nuk kishin nevojë për të, duke e dërguar sërish në huazim te Strasburgu në Francë.

Aaron Anselmino au Racing : 𝗝𝗼𝘂𝗿 𝟭 🇦🇷 pic.twitter.com/YLfj45pbHs

— Racing Club de Strasbourg Alsace (@RCSA) February 3, 2026

Lojtari madje kishte shënuar në nëntor në ndeshjen ndaj Bayer Leverkusen. Diçka e pabesueshme për Chelsean, që kishte kërkuar një mbrojtës qendre në merkaton e dimrit duke dështuar në objektivin e tij, Jeremy Jacquet. Kështu Blues u mbështetën pikërisht te Anselmino, por me sa duket nga ana teknike mbrojtësi nuk e bindi trajnerin dhe për këtë arsye u vendos huazimi në Francë. Një goditje për lojtarin, i cili në atë pikë do të kishte preferuar të qëndronte në Gjermani te Borussia.

Atëherë kush do të shkojë te Chelsea?

Te Blues përfundon Mamadou Sarr, që ribashkohet me trajnerin e tij Liam Rosenior, me të cilin kishte punuar pothuajse gjatë gjithë qëndrimit në Francë pikërisht te Strasburgu. Rosenior ka shumë vlerësim për Sarr dhe nuk kuptohet pse nuk u thirr më herët nga Chelsea në vend që të lëviznin Anselmino, i cili në këtë pikë u detyrua të bëjë rrugën e kundërt duke zëvendësuar Sarr pikërisht te Strasburgu. Një histori merkatoje paradoksale që te Chelsea është bërë tashmë normalitet.