Ditën e enjte vendi ynë do të vijojë të ndikohet nga kushte atmosferike të paqëndrueshme. Moti parashikohet me intervale afatshkurtra të herëpashershme me kthjellime dhe alternime vranësirash mesatare deri të dendura. Ato do të shoqërohen me reshje të herëpashershme shiu me intensitet të ulët. Lokalisht mund të ketë shtrëngata në zonën perëndimore.
Në relievet e larta malore në verilindje-juglindje të vendit do të ketë reshje bore me intensitet të ulët. Era do të fryjë me drejtim kryesor juglindje-jugperëndim me shpejtësi mesatare 7m/s.
