Asnjë problem për Bayern Munich, që në javën e 21 të Bundesligës shkatërroi me goleadë Hoffenheim. Fitorja 5-1 rikthen avantazhin prej gjashtë pikësh të Bayern ndaj Borussia Dortmund në krye të Bundesligës, ndërsa Hoffenheim mbetet në vendin e tretë.
Ndeshja mori drejtim me penalltinë në minutën e 17-të pasi Kevin Akpoguma i Hoffenheim u përjashtua me karton të kuq për tërheqjen e Luis Diaz në zonë. Kane realizoi me qetësi, duke u dhënë bavarezëve avantazhin e hershëm. Pavarësisht se mbeti me 10 lojtarë, Hoffenheim qëndroi në lojë dhe arriti të barazojë në minutën e 35-të. Pasimi i Manuel Neuer u ndërpre nga Fisnik Asllani, i cili e shtriu topin për Andrej Kramaric që e dërgoi në rrjetë. Bayern reagoi shpejt dhe riktheu epërsinë para pushimit, me Kane që realizoi penalltinë e tij të dytë pasi Vladimir Coufal rrëzoi Diaz në zonë. Vendasit shënuan sërish pak para pushimit, kur Kane u hodh përpara në kundërsulm dhe gjeti Diaz, i cili e kaloi topin pranë Oliver Baumann.
Lexo më tej: Befasi e madhe në Bundesliga, Augsburg mposht Bayern në Munich
Pas pushimit, Kane iu afrua plotësimit të tregolëshit, por Baumann realizoi një pritje të shkëlqyer ndaj goditjes së tij me kokë në minutën e 50-të – një nga disa ndërhyrje të jashtëzakonshme të portierit të Hoffenheim. Bayern e thelloi avantazhin në minutën e 61-të, kur Michael Olise dërgoi një krosim të saktë për Diaz, i cili finalizoi një aksion të shkëlqyer të skuadrës. Kane u ndal sërish nga Baumann, pritja e të cilit u përplas në traversë, përpara se të zëvendësohej më vonë gjatë ndeshjes. Bayern vazhdoi të ushtrojë presion dhe Diaz kompletoi tregolëshin me një finalizim të saktë në këndin e largët drejt fundit të ndeshjes.
