Kryebashkiaku i Rrogozhinës, Edison Memolla është vetëdorëzuar pasditen kësaj të hëne në Policinë e Kavajës në zbatim të vendimit të Gjykatës së Posaçme të Apelit që la në fuqi dënimin me 1 vit burg të dhënë nga Gjykata e Shkallës së Parë.
Memolla nuk ishte në seancë kur Apeli la në fuqi dënimin për korrupsion aktiv në zgjedhje në bashkëpunim, dhënë nga Gjykata e Posaçme më 24 janar të vitit 2025.
Në polici është vetëdorëzuar edhe Blerim Xhamani, i cili gjithashtu është dënuar me 1 vit burg, sepse së bashku me Ilir Toskun, me kërkesë të Memollës, nuk i kanë ndërprerë energjinë elektrike një debitori të OSHEE-së, pasi ky i fundit do votonte kryebashkiakun.
Xhamani dhe Tosku u akuzuan se “kanë falsifikuar të dhënat në procesverbal kur në fakt nuk ia kanë ndërprerë energjinë abonentit debitor”. Edhe Ilir Tosku, që po ashtu u vetëdorëzua në polici, u dënua me 8 muaj burg, dënim i cili u konvertua në 1 vit e 4 muaj shërbim prove. /LAPSI.al
