Për shkak të përplasjeve në protestën e opozitës 12 efektivë policie janë paraqitur në spitalet e Tiranës. Spitali i Traumës njoftoi se 8 efektivë të uniformave blu po dërguar aty dhe po ekzaminohen.
Ndërsa QSUT njoftoi se 4 efektivë të policisë janë paraqitur pranë shërbimit të djegie – plastikës ku po marrin trajtim. Autoritetet nuk japin të dhëna për protestuesit e lënduar.
Sipas të njëjtave burime gjendja e tyre është stabël. Ata do të vizitohen edhe nga ministrja e Brendshme Albana Koçiu. Në një reagim në rrjetet sociale ministrja shkruan se “e drejta për të protestuar, për të disatën herë, u dhunua nga një grup që zgjodhi forcën në vend të fjalës, duke sulmuar, dhunuar e lënduar punonjësit e Policisë së Shtetit”.
“Dhuna nuk mund të jetë kurrë një mjet dhe asnjë lloj agjende nuk e justifikon përdorimin e saj. Mirënjohje për çdo punonjës policie që tregoi profesionalizëm dhe maturi përballë çdo provokimi.
Policia do të jetë gjithmonë në krye të detyrës për të garantuar të drejtën për të protestuar, si dhe të garantojë sigurinë e çdo qytetari dhe të pronës publike dhe të qytetarëve” – thuhet në reagim. ©LAPSI.al
