Një grua dhe vajza e saj 11-vjeçare kanë mbetur të vrara pas një sulmi ajror rus në Sloviansk, në rajonin lindor të Donetskut, njoftuan autoritetet ukrainase. Sipas tyre, bombardimi goditi zona të banuara, duke shkaktuar viktima civile, përfshirë edhe fëmijë.
Nga ana tjetër, në pjesën e rajonit Zaporizhzhia që kontrollohet nga Rusia, sulmet ajrore ukrainase kanë shkaktuar pesë të vdekur dhe nëntë të plagosur. Zyrtarja lokale Natalia Romanichenko bëri të ditur se mes viktimave në fshatin Skelky është edhe prifti Serhiy Klyakhin, ndërsa shtatë persona të tjerë u plagosën. Ndërkohë, në rajonin rus të Belgorodit, pranë kufirit me Ukrainën, një drejtues furgoni humbi jetën pas një sulmi me dron, sipas guvernatorit Vyacheslav Gladkov, i cili e konfirmoi ngjarjen në Telegram.
