Lewis Hamilton, i cili ndodhet në Bahrein për javën e parë të testeve për sezonin e ri të Formula 1, refuzoi të komentojë mbi jetën e tij private pas thashethemeve për një lidhje me Kim Kardashian. Dyshja u panë së bashku në Super Bowl LX, të dielën më 8 shkurt.
Gazetari i Sky Sports, Ted Kravitz, në një video të publikuar më 11 shkurt në X, tha:
“E di çfarë po mendoni: ‘Kravitz, u tërhoqe dhe nuk e pyete për lidhjen e re me Kim Kardashian.’”
Ai shtoi se Hamilton ishte pyetur nga gazetarët e mediave të shkruara:
“A e shijove më shumë shoqërinë sesa ndeshjen në Super Bowl?”
Përgjigjja e Hamilton ishte e shkurtër dhe e prerë:
“Është jeta ime private. Nuk flas për këtë.”
lHamilton dhe Kardashian u përfolën për një lidhje romantike pasi u panë së bashku në Paris më 2 shkurt. Një burim për revistën PEOPLE e përshkroi takimin si “romantik”.
Sipas një burimi tjetër, Hamilton e bën Kim-in “të ndihet e sigurt” dhe ajo “e shijon vërtet kohën me të”.
“Ka një nivel rehatie mes tyre, sepse njihen prej vitesh,” tha burimi. “Kim ka dalë me persona të tjerë ndër vite, por Lewis është i pari për të cilin ajo është vërtet e interesuar pas një kohe të gjatë. Ajo gjithmonë e ka pëlqyer. Është e entuziazmuar për këtë lidhje.”
Megjithatë, thuhet se Kim po i merr gjërat me qetësi.
“Jeta e saj është e përqendruar në Los Angeles, te fëmijët dhe puna. Nuk po mendon për të ardhmen dhe nuk po i bën presion situatës,” shtoi burimi.
