Autoritetet shqiptare kanë arritur që të kthejnë në Shqipëri Eva Dumanin, e cila prej vitesh ndodhej në një kamp në Siri. Operacioni u krye në bashkëpunim me partnerët ndërkombëtarë.
Eva Dumani ka mbërritur paraditen e sotme në aeroportin e Rinasit, pas transferimit nga Turqia. E reja kishte refuzuar më herët që të largohej nga kampi sirian. Në misionin e mëparshtëm, u rikthye në vend vëllai i saj, Endri.
Eva kishte refuzuar më herët që të riatdhesohej. Në një mesazh zanor që iu kishte dërguar dikur të afërmve, ajo thoshte: “Kam vendosur të mos kthehem më. Talhen (Endrin) e çova, merre ti. Ka një çantë blu amanet”, duke iu referuar vëllait që u riatdhesua më herët.
Eva dhe Endri Dumani ishin përkatësisht 8 dhe 6 vjeç kur babi i tyre i rrëmbeu drejt Sirisë për t’iu bashkuar xhihadistëve në shtetin islamik. Gjyshja e tyre shkoi atje për të tërhequr fëmijët pas vrasjes së të atit, por dha shpirt e burgosur në kamp.
