Procesi zgjedhor për drejtimin e degës së Partia Demokratike në Lezhë po zhvillohet sot, ku anëtarësia do të votojë për zgjedhjen e kryetarit të ri të strukturës lokale.
Në garë janë tre kandidatë: Donika Ndoj, Paulin Marku dhe Salvator Kaçaj.
Gjatë ditëve të fundit, kandidatët kanë zhvilluar takime me strukturat dhe anëtarët e partisë në Lezhë, ku kanë prezantuar platformat dhe prioritetet e tyre për organizimin, ristrukturimin dhe forcimin e partisë në nivel vendor.
Në fushatën e brendshme është vënë theksi te rritja e angazhimit të anëtarësisë, zgjerimi i partisë me prurje të reja, si dhe përgatitja për sfidat e ardhshme elektorale.
Kandidatët kanë kërkuar mbështetjen e demokratëve të Lezhës, duke premtuar transparencë, bashkëpunim dhe një prani më aktive në terren.
Procesi i votimit pritet të vijojë gjatë gjithë ditës, ndërsa rezultatet do të shpallen pas përfundimit të numërimit të votave.
