Një ngjarje e rëndë është shënuar dje në mesdite ku një nxënës i shkollës 9-vjecare ‘Bajram Curri’ në Kukës ka mbetur i plagosur pranë ambientit të shkollës së tij. Ngjarja është shënuar ne oborrin e shkollës, ndërkohë përballë saj po bëhet rikonstruksioni i plote i ish-shkollës së vjetër.
Fëmija ka qënë në oborr duke luajtur me top dhe ka tentuar të marrë topin që i kishte rënë pranë kanierit. Ndërkohë materiale inerte i kanë rënë nxënësit në trup. Ai është dërguar nga mësues dhe nxënës në urgjencën e spitalit te Kukësi. Me pas është dërguar në spitalin e Traumës për mjekim më të specializuar.
Sipas burimeve, në zonën e punimeve mungonin masat e duhura të sigurisë teknike dhe sot është bërë izolimi i plotë i kantierit. Ndërkohë, ngjarja ende nuk është raportuar zyrtarisht nga Policia e Kukës.
Nga ana tjetër, Inspektoriati i Punës ka ndërhyrë menjëherë duke bllokuar punimet në godinë dhe duke vendosur shiritat e sigurisë, për shkak të mungesës së kushteve teknike dhe masave mbrojtëse në kantier.
