Pedro Pascal dhe Rafael Olarra janë parë së fundmi mjaft të afërt me njëri-tjetrin. Pasi u fotografuan duke shëtitur në Nju Jork gjatë fundjavës së Shën Valentinit, tani ka dalë një tjetër foto e tyre, ku shihen të ulur duke parë filmin “Wuthering Heights”.
Të dy ndoqën filmin romantik me sfond historik, ku luajnë Jacob Elordi dhe Margot Robbie, ndërsa herë pas here bisedonin në ambientin intim të kinemasë. Dita e tyre në kinema erdhi pasi kishin drekuar së bashku të dielën, pas një turi në zonën Lower East Side.
Ata përballuan të ftohtin e dimrit që ka pushtuar këtë sezon “Big Apple”, duke u veshur me disa shtresa rrobash për t’u mbrojtur nga temperaturat e ulëta.
Rafa më herët ishte i lidhur me aktorin dhe këngëtarin Luke Evans. Të dy konfirmuan ndarjen në vitin 2021, pas pak më shumë se një viti lidhje.
