Një 25-vjeçar nga Sudani është arrestuar në kuadër të operacionit policor të koduar “Itinerari 3”, i zhvilluar nga strukturat e DVKM Korçë kundër ndihmës për kalim të paligjshëm të kufirit. Sipas policisë, i riu, në bashkëpunim me persona të tjerë që dyshohet se ndodhen në Greqi, organizonte dhe ndihmonte emigrantë të kalonin ilegalisht kufirin nga Greqia në Shqipëri, përmes kufirit të gjelbër në zonën e Devollit, me destinacion vendet e BE-së.
Gjatë operacionit, dy emigrantë të parregullt u kapën në malin Moravë nga shërbimet e hetimit. Policia vijon punën për dokumentimin e plotë të rastit dhe identifikimin e personave të tjerë të përfshirë. Materialet procedurale i janë referuar Prokurorisë së Korçës për veprime të mëtejshme.
