Modelja Emily Ratajkowski ka konfirmuar zyrtarisht romancën e saj të re me regjisorin francez Romain Gavras
Përmes rrjetit social, Instagram, Emily publikoi foton e parë romantike ku Gavras shihet me krahët rreth Ratajkowski-t, ndërsa ajo mban në dorë një gotë verë. Në imazhe të tjera, çifti shfaqet duke pozuar në dëborë, si dhe të veshur elegant në një ambient darke.
Postimi ishte pa përshkrim, por fansat reaguan menjëherë me komente mbështetëse dhe urime për dashurinë e re të modeles.
Më herët, Ratajkowski është përfolur për romanca me emra të njohur si Harry Styles, Eric André, Pete Davidson dhe DJ Orazio Rispo.
Ajo ishte e martuar me producentin Sebastian Bear-McClard nga viti 2018 deri në vitin 2022. Ish-çifti kanë një djalë 4-vjeçar, Sylvester Apollo Bear.
Nga ana tjetër, Gavras ishte më parë në një lidhje me këngëtaren me famë botërore Dua Lipa. Dyshja u panë së bashku për herë të parë në fillim të vitit 2023 dhe u ndanë në fund të atij viti.
Aktualisht, Dua Lipa është e fejuar me aktorin Callum Turner, lidhje të cilën e konfirmoi publikisht në vitin 2025.
