Të tjera detaje mësohen në lidhje me ngjarjen e rëndë të ndodhur sot, 20 shkurt, në rrugën “Kongresi i Lushnjes” në Tiranë, ku u vra me thikë 31-vjeçari Egli Pashollari.
31-vjeçari Egli Pashollari sapo ka dalë nga makina është sulmuar menjëherë nga 3 persona, 2 djem dhe 1 vajzë. Mësohet se gjatë përleshjes fizike, njëri prej djemve e ka goditur të paktën një herë në kurriz 31-vjeçarin.
31-vjeçarit Pashollari i është dhënë ndihma e parë pranë një lokali dhe direkt me makinën e tij e kanë nisur drejt spitalit nga disa persona të tjerë, dëshmitarë që ishin në vendngjarje, por nuk ka mundur të mbijetojë dhe ka ndërruar jetë rrugës për në spital.
Ndërkohë, autori i vrasjes është identifikuar si Gazment Buçpapa. Po ashtu janë identifikuar edhe dy personat e tjerë të përfshirë.
“Rreth orës 15:40, dyshohet se gjatë një konflikti në rrugën “Kongresi i Lushnjes”, është goditur me një mjet prerës shtetasi E. P, rreth 31 vjeç, i cili si pasojë ka humbur jetën në spital.”, njoftoi policia.
