Ka një kryesuese të re në La Liga. Pas humbjes së djeshme të Real Madridit, Barcelona nuk gabon ndaj Levantes dhe rimerr vendin e parë në renditje (+1 ndaj “Los Blancos”). Në Camp Nou, skuadrës së Flick iu deshën vetëm 4 minuta për të zhbllokuar ndeshjen. Pas një goditjeje këndi, Eric Garcia krosen fort në qendër të zonës, ku gjen Bernal që shënon nga pak hapa larg.
Në minutën e 15-të, Joan Garcia shpëton ndaj Victor Garcia, ndërsa në të 27-ën shtylla i mohon dyfishimin Leëandoëskit. Në minutën e 32-të vjen goli i dytë i Barcelonës. Cancelo pasoi në qendër për De Jong, i cili futet në mënyrë perfekte dhe realizoi për 2-0.
Në pjesën e dytë, blaugranat iu afruan disa herë golit të tretë, të cilin e gjejnë në minutën e 82-të me Fermin Lopez. Numri 16 godet me të majtën nga jashtë zone, topi përplaset në shtyllë dhe përfundon në rrjetë. Kjo ishte goditja finale që vulosi rezultatin përfundimtar 3-0.
