Përfaqësuesi Amerikan i Tregtisë, Jamieson Greer, tha sot se marrëveshjet tregtare të SHBA-së me BE, Kinën dhe partnerë të tjerë do të vazhdojnë të zbatohen pavarësisht vendimit të Gjykatës Supreme amerikane që rrëzoi tarifat e ashtuquajtura “hakmarrëse” të vendosura nga Presidenti Donald Trump.
“Ne po diskutojmë aktivisht me partnerët tregtarë dhe duam që ata të kuptojnë se këto marrëveshje janë të mira dhe do t’i respektojmë,” tha Greer gjatë një interviste për CBS News. Ai shtoi se partnerët amerikanë presin të përmbahen nga marrëveshjet.
Duke folur për ABC News, Greer sqaroi se takimi që Trump do të zhvillojë në prill me homologun kinez Xi Jinping nuk ka për qëllim “përballjen mbi çështjen e tregtisë”, por ruajtjen e stabilitetit dhe sigurimin që Kina të blejë produkte amerikane si bujqësore, Boeing dhe lëndë të rralla.
Vendimi i Gjykatës së Lartë anuloi pjesërisht tarifat e vendosura nga Trump, duke argumentuar se Kongresi duhet të japë miratimin për përdorimin e fuqive ekzekutive mbi tarifat në bazë të ligjit IEEPA të vitit 1977. Menjëherë, Trump nënshkroi një dekret të ri që vendos një tarifë globale prej 10% – e cila u rrit më pas në 15% – që do të hyjë në fuqi më 24 shkurt për 150 ditë, me disa përjashtime.
Greer theksoi gjithashtu se, megjithë vendimin e Gjykatës, Shtëpia e Bardhë ka mjete për të ruajtur fleksibilitetin në politikën tregtare, të cilat nuk ofrojnë të njëjtin nivel fleksibilitet si Akti IEEPA.
