Binomi showgirl–futbollist është tashmë pothuajse një zakon në botën e futbollit. Janë gjithnjë e më shumë çiftet e këtij lloji që përzihen, martohen dhe krijojnë familje. Pavarësisht fotove të bukura në rrjetet sociale dhe rrëfimeve për një jetë të lumtur, shpesh prapaskenat tregojnë pikërisht të kundërtën. Tradhti, thashetheme, gossip dhe shumë rrethana që çojnë në prishjen e idilit të çiftit me divorc si pasojë. Janë të shumta çiftet që shpërthejnë dhe që lënë pasoja të mëdha negative te protagonistët e këtyre ngjarjeve. Mes këtyre çifteve që patën fatin kundër është ai i formuar nga Simona Guatieri dhe Keita Baldé. Vajza ka dashur të tregojë një herë e mirë ndarjen me futbollistin që aktualisht është pjesë e Monza-s.
Tradhtitë me Wanda Nara
Dy fëmijë nuk mjaftuan për ta bërë të zgjasë dashurinë mes Simona Guatieri dhe Keita Baldé. Çifti u vu në qendër të vëmendjes vitet e fundit për shkak të tradhtive të lojtarit me Wanda Nara. Një histori që doli në dritë me të gjitha detajet për shkak të çështjes ligjore të divorcit mes showgirl-it argjentinase dhe Mauro Icardi-t. Një episod që çoi në prishjen e dy çifteve dhe që e shtyu gjithashtu Simona Guatieri të marrë vendimin drastik për t’i thënë lamtumirë Keita Baldé.
Mbretëresha e të tradhtuarave
Me shumë keqardhje, por edhe me një pikë ironie, Simona Guatieri e ka etiketuar veten si “mbretëresha e të tradhtuarave”, gjatë një interviste ekskluzive të dhënë për gazetarin e specializuar në gossip, Gabriele Parpiglia. Gjatë intervistës dhe duke iu përgjigjur pyetjeve specifike mbi ndarjen me Keita Baldé, vajza ka shpjeguar me imtësi si kanë shkuar gjërat: “Atë që ka bërë e dinë edhe muret, me çështjen Wanda Nara që nuk dua as ta përmend. Kanë dalë detajet edhe sepse edhe ata po ndaheshin”. Më pas thumbimi ndaj ish-partnerit të saj: “Sa më përket mua, nëse ai do të donte të ndryshonte për mua, përgjigjja është jo. Mund të mbetet ai që është, për mua ka mbaruar”. Në fund, për ndarjen: “Kishte një çantë të vogël shpine dhe stërvitjen e së dielës. E pyeta nëse do të kthehej në shtëpi, nuk u kthye më”. Një fund i hidhur i një historie shumë të diskutueshme.
