Pesë anëtarët e opozitës në Këshillin për Imunitetin kanë dalë me një qëndrim përfundimtar, duke rekomanduar votë pro në seancë plenare për autorizimin e arrestimit të Belinda Ballukut.
Në dokumentin zyrtar, ata theksojnë se, “në mbështetje të neneve 73, 95, 103 të Kushtetutës, neneve 260, 288, 289 të Kodit të Procedurës Penale, si dhe neneve 13 dhe 118 të Rregullores së Kuvendit”, rekomandojnë që deputetët të miratojnë kërkesën e SPAK.
Këshilli i Mandateve/ SPAK nxjerr sms, të fortët kërcënuan dëshmitarët për Ballukun
Konkretisht, pesë deputetët e opozitës “R E K O M A N D O J N Ë: Deputetët në seancë plenare të Kuvendit të Republikës së Shqipërisë të votojnë pro, për miratimin e kërkesës nr. 43019Prot., datë 16.12.2025 të Prokurorisë së Posaçme Kundër Korrupsionit dhe Krimit të Organizuar”.
Në rekomandim kërkohet “Dhënien e autorizimit nga Kuvendi i Republikës së Shqipërisë, për arrestimin/heqjen e lirisë nëpërmjet zëvendësimit të masës së sigurimit nga ajo e ‘Ndalimit të daljes jashtë shtetit’ e parashikuar nga neni 233 i K.Pr.Penale dhe ‘Pezullimit të ushtrimit të një detyre a shërbimi publik’, e parashikuar nga neni 242 i K.Pr.Penale, në atë të arrest në burg/në shtëpi, për znj. Belinda BALLUKU”.
Këshilli i Mandateve/ Prokurorët: Balluku rrezikon deri 35 vjet burg!
Sipas dokumentit, Balluku, e cila ushtron funksionet e deputetit, ministrit dhe zëvendëskryeministrit, është marrë si e pandehur në kuadër të procedimit penal nr. 136 të vitit 2025, pasi “dyshohet se ka kryer, në mënyrë të përsëritur, veprën penale: ‘Shkelja e barazisë së pjesëmarrësve në tendera apo ankande publike’, kryer në bashkëpunim, parashikuar nga nenet 258/2 e 25 të K.Penal”.
Vendimi përfundimtar pritet të merret në seancë plenare nga Kuvendi.
