Zëvendëspresidenti i SHBA-së J.D. Vance tha të enjten se Donald Trump ende preferon një zgjidhje diplomatike me Iranin dhe shpreson që iranianët do ta marrin seriozisht këtë qëndrim në raundin e ri që dë të zhvillohet të enjten.
"Presidenti ka qenë sa më i qartë që mundi: Irani nuk mund të pajiset me armë bërthamore (...) Ai do të përpiqet ta arrijë këtë përmes kanaleve diplomatike", tha Vance në një intervistë për Fox News.
Zëvendëspresidenti i SHBA-së shmangu sqarimin nëse SHBA-të do të donin që udhëheqësi suprem i Iranit, Ajatollah Ali Khamenei, të largohej nga pushteti.
Më herët sot, qeveria amerikane njoftoi vendosjen e sanksioneve të reja ekonomike që synojnë dobësimin e regjimit të Teheranit dhe kufizimin e të ardhurave të tij nga nafta, në prag të bisedimeve midis dy palëve në Gjenevë.
Trump gjithashtu akuzoi Iranin të martën për zhvillimin e "raketave që mund të kërcënojnë Evropën dhe bazat amerikane" dhe për përpjekjen për të siguruar sisteme armësh edhe më të fuqishme të afta për të goditur së shpejti Shtetet e Bashkuara.
