Policia italiane arrestoi në Xhenova një 43-vjeçar shqiptar, i skeduar dhe proceduar më parë, për posedim të lëndëve narkotike me qëllim shpërndarjen e tyre, si dhe e akuzoi atë për falsifikim dokumentesh.
Operacioni u krye nga hetuesit e Seksionit të Kundërvajtjes së Krimit, duke përfunduar një hetim të detajuar të nisur pas një raportimi për aktivitet të dyshimtë në San Fruttuoso.
Falë një vëzhgimi, u bë e mundur të përcaktohej se njëri nga banorët, i identifikuar më vonë si 43-vjeçari shqiptar, po fshihte kokainë, të ndarë në doza, të futura brenda një matësi elektrik të vendosur në hyrje të shtëpisë së tij.
Pakot më pas u mblodhën nga matësi dhe u dorëzuan direkt te blerësit në kat.
Oficerët u vendosën për të survejuar të riun dhe teksa u pa duke dalë në shkallët e ndërtesës për të shkuar përsëri te ndarja e matësve dhe tavani i ashensorit, u bë ndërhyrja operacionale.
Në këtë pikë, oficerët u identifikuan dhe gjetën gjithsej 24 pako kokainë, me peshë afërsisht 20 gramë. Kontrolli i shtëpisë gjeti gjithashtu afërsisht 2000 euro, informon media italiane.
Po kështu u zbulua dhe sekuestrua një patentë shoferi e falsifikuar, shqiptare, në emrin e tij, për të cilën u ngrit një padi. 43-vjeçari u dërgua në burgun e Marassit.
